አገርን ፍለጋ

 አገርን ፍለጋ

የጨርቋን ጫፍ ጥለት
በአቧራ ነትቦ ባንዲራ ያለበት
ጭምድ ድ አርጎ ይዞ ህፃኑ ጠየቀ
ግራ ቀኝ እያየ እየተሳቀቀ
“አገራችሁ ሂዱ” ሰዎቹ የሚሉን
የት ነው አገራችን?
ጥለትሽ ላይ ያለው ያገርሽ መለያ
የት ናት ኢትዮጲያ?
የት ጋር ተጀምራ የት ጋር ነው ምታልቀው?
አፈርና ወንዙ ባህል ሐይማኖቱ ይት ጋር ነው ሚለየው?

እዚህ አይደለችም? ወደምንሄድበት እዚያናት ኢትዮጲያ?
ወጥተን ነበር እንዴ ከናታቻን ጉያ?
ውስጥ ሆነን ውጭ ነበርን?
እንደዚ ጨክነው አጣድፈዉ ሚገፉን
ወዴት ነው ምንሄደው?
ወዴት ናት አገሬ?
ወጥተን ነበር እንዴ ከአገር ከድንበሬ?
ኧረ ቆይ እማማ
እስቲ ልጠይቅሽ ጉዳችንን ልስማ
ታላቅ ወንድማችን እውጪ አገር ሚኖረው
እሱም ይባረራል? ጦቢያን ይፈልጋል?
ንገሪኝ እማማ?
ይሄን ነገር ልስማ?!